Paano Kung?
Minsan ay may nakita akong paskil sa Facebook Account ng isa sa mga kaibigan ko sa nasabing social media site. Ang paskil niya'y ganito: "Bakit hindi mo subukang maging tamang tao para sa iba?"
Napaisip ako bigla at patuloy na binabagabag ng mga katagang ito.
Paano kung habang sinusubukan mong maging tamang tao para sa iba ay may taong sinusubukan ding maging tamang tao para sa iyo?
Paano kung habang sinusubukan mong maging tamang tao para sa iba ay sinusubukan ding maging tamang tao para sa iba ng taong pinag-aalayan mo nito?
Paano kung sinusubukan mo ngang maging tamang tao pero hindi pala kayo itinadhana kundi pinagtagpo lamang?
Minsan hindi masayang sumugal
Minsan hindi masayang lumaban
Hindi lahat ng labanan ay kailangan mong suungin
Minsan ay kailangan mong lisanin
Minsan ay kailangan mong takasan
Dahil sa huli lahat ay walang kasiguraduhan
Dahil sa huli, hindi lahat ng sumugal at lumaban,
Tama ang ipinaglaban.
No comments:
Post a Comment