Para kay E

PARA KAY E 

Nang malaman ko yaong katotohanan 

At sayo'y nakipagtitigan,

Batid kong ika'y labis na nasasaktan

Kaibigan, sa ganitong sitwasiyon 

Hindi mo kailangan ng salitang mapagpalalo

Kailangan mo ay gamot

Gamot na iikot diyan sa buong sistema mo 

At unti-unting aakyat sa utak mo 

Nang sa gayo'y maunawaan mo

Na sa labanang ito, sugat lamang ang iyong matatamo

Kaibigan, iyo sanang pakatandaan 

Na hindi lahat ng sugatan, 

Tama ang pinaglaban

Kaibigan, utang na loob huwag ka ng umasa

Sa napakasinungaling niyang 'Mahal Kita'

Kaibigan, Alam mo naman ang kahihinatnan 

Ng bawal na pag-ibig na iyong ipinagpipilitaan

Kaibigan, tama na; itigil mo na.

Oo't hindi madaling kalimutan ang inyong pinagsamahan

Ngunit hindi pa ba sapat na hindi ka niya itinuring na kaibigan? 

Kaibigan, nakakatawa ka.

Umaasa ka sa taong tila ba hindi ka man lang kilala. 

Kaya kaibigan, ihinto mo na

Hindi ko na kayang makitang nasasaktan ka. 

Random Thoughts Entry 001

AMA 

Hindi lahat ng nakaraan, masakit kapag binalikan

Lalo na kung ang nakaraang ito ay tungkol 

Sa kung paano kita hinanap at kung paano mo ako natagpuan

Kung paano mo ako hinabol sa tuwing ako'y tatakbo palayo sa iyo

Kung paano mo pinunasan ang bawat luhang pumapatak

Kung paano mo ipaulit-ulit sa akin ang mga salitang 'mahal kita' 

Kung paano mo ako ilang ulit nagkamali ngunit itinama mo

Kung paano ako nadurog ngunit muli mong binuo

At higit sa lahat ay kung paano mo ako tinawag na anak

At hinayaan mong tawagin kitang ama

Hindi lahat ng power nakakatuwa

Hi! Muli na naman nagtapo ang ating landas! Dalawang buwan din. Dalawang buwan na din pala ang nakakalipas nang tayo'y magkahiwalay. Akala mo siguro ay tuluyan na kitang iiwan no? Nagakakamali ka doon. Hinayaan lang kita. Pinagpahinga kita dahil alam kong nasasaktan ka na. Pero gaya ng sinasabi ng iba, ginagawa ko lang ang lahat ng ito para sa iyo. Alam ko nasasaktan ka nanaman ng dahil sa akin. Tandang-tanda ko pa nga ang mga panahong hindi nakatulog at di ka nakakain ng maayos. Patawarin mo sana ako. Naiipit lang talaga ako sa sitwasiyong iwanan ka at manatili sa iyo. Hindi kita iiwan hangga't kailangan mo ko. Kahit pa nasasaktan ka na, hindi kita iiwan dahil alam kong kailangan mo pa ako ng lubusan. Hayaan mo, darating ang araw na palalayain kita. Palalayain kita kasi alam kong sa mga panahon na iyon ay ayos na; okay ka na.

-POWERCHAIN BRACES 

http://www.oralanswers.com/power-chains-why-some-colored-braces-are-connected/

Hindi ako makapag update ng blog ng maayos ewan ko ba ayaw gumana ng isip ko! ANG SAKIT NG BRACES KO! ANO BA DOC, BAKIT MO PINOWERCHAIN? HAHAHAHAHAAHAHAH! ANG SAKIT NA! TAMA NA! WOOOOOO! SARAP TUMAMBLING!!!!!!!!!! 

Para sa inyo na Inagaw sa akin ng Pagkakataon

HINDI NA 

Masasayang alaala na pilit kong binabalikan

Kahit na alam kong hindi na maibabalik kailanman

Alaalang nilimot ng bagong pagsasamahan

Alaalang napakasakit kung muli pang babalikan

Ilang taon pa lamang ang nakaraan

Ngunit tila milya-milya ng ang ating pagitan

Hindi ko alam kung bakit pagkakaibiga'y biglang naglaho

Dahil ba kayo ngayo'y may bago ng mga katagpo? 

Nakakalungkot isipin na nasayang ang tatlong taon

Para bang tayo'y pinaglaruan ng pagkakataon

May bago na kayong nakakasama sa lahat ng pagkakataon

At marahil hindi niyo na ako kailangan pa ngayon 

Tunay nga na nagbabago ang lahat sa paglipas ng panahon 

Hayaan ko na lang munang lumipas ang pagkakataon 

Pagkakataon na muling ibalik ang lahat sa dati

Dati na kahit anong gawin ko ay hindi na mananatili 

Naalala niyo pa ba ang dating pinagsamahan?

Ang bawat gala sa kung saan- saan? 

Ang bawat halakhak na ating pinagsaluhan? 

Ang lungkot ng bawat isa na ating dinadamayan? 

Hinihiling ko na sariwa pa ang lahat ng ito sa inyong isipan

Ngunit hindi maalis na may bago na kayong mga kaibigan

Mga kaibigan na lagi niyong sinasamahan sa bawat araw 

Mga kaibigang, sa damdamin niyo'y laging pumupukaw

Nakatutuwang pagmasdan ang inyong pagsasamahan

Pagsasamahan na hindi kasing tibay ng ating pinagsamahan

Hindi ko maiwasang sila'y kainggitan

Dahil alam kong dati lang ay ako ang nasa kanilang kalagayan 

Mahirap man tanggapin ngunit aking kailangan

Na hindi na tulad ng dating ang ating pinagsamahan

Hindi na tulad ng dati ang ating pagkakaibigan

Hindi na tulad ng dati ang lahat. 

Hindi na.