MAGLALAYAG AKO
Maglalayag ako
At patuloy na maglalayag
Maglalayag ako hanggang sa matagpuan ko
Maglalayag ako hanggang sa masumpungan ko
Maglalayag ako hanggang sa mapagtanto ko
Maglalayag ako at hahanapin ang katotohanan
Sa likod ng kalungkutang matagal ng nagkukubli
Maglalayag ako hanggang sa malaman ko ang kasagutan
Maglalayag ako hanggang sa maunawaan ko
Maglalayag ako hanggang tanggapin ng isip ko
Maglalayag ako nang matanggap ng puso ko
Na hindi ako kundi siya
At maglalayag uli ko
At patuloy na maglalayag
At sa ikalawang paglalayag ko'y pakatandaan mo;
Hindi ako isang pirata na ang ang pakay ang ginto
Hindi rin ako isang turista na ang pakay ay ang pagpasyal
Hindi ako bakasyunista na ang pakay ay pahinga
Ang pakay ko'y hanapin ang sarili
At maglalayag uli ko
At patuloy na maglalayag
Hanggang sa malaman ko kung ano ba talaga ang halaga
Hanggang sa maunawaan ko ang bawat mga salita
Na namumutawi sa bibig ng iba sa tuwing sinasabi kong gusto kita
At sa huli'y maglalayag pa din ako
Maglalayag ako hangga't maunawaan ko na ito'y para sa akin at hindi para sa iyo.
No comments:
Post a Comment